• Está a finalizar as obras da estación do río Lobios

A Confederación Hidrográfica do Miño-Sil (CHMS) continúa fortalecendo a xestión sostible dos recursos hídricos na demarcación internacional dos ríos Miño, Sil e Limia mediante o proxecto europeo POCTEP RISC_PLUS. Este programa, enfocado en aumentar a resiliencia fronte ao cambio climático, avanzou significativamente na implementación de sistemas automáticos de información hidrolóxica e de calidade das augas, así como no deseño dun Plan Especial de Seca conxunto entre España e Portugal.

O sistema SAIH, que actualmente opera con 116 puntos de control na demarcación, alcanzará os 124 ao finalizar o proxecto en 2026. Pola súa banda, o sistema SAICA incrementará as súas estacións de vixilancia de 18 a 20. Entre as novas estacións xa operativas atópanse as situadas no río Narla en Friol (Lugo), o río Quiroga en Quiroga (Lugo) e o río Tamuxe no Rosal (Pontevedra). Ademais, están en proceso de finalización as estacións no río Sil en Toreno (León) e no río Lobios en Lobios (Ourense).