Proyecto RISC_PLUS
Proxecto RISC_PLUS
O proxecto RISC_PLUS busca expandir e mellorar a iniciativa RISC_ML, concentrándose na Demarcación Internacional Miño-Limia/Lima. O seu obxectivo é avanzar cara a un plan hidrolóxico único para fortalecer a resiliencia fronte ao cambio climático, aliñándose coa Directiva Marco da auga.
A través da cooperación transfronteiriza entre organismos de bacía e centros de investigación, RISC_PLUS centrarase en:
-
Mellorar o coñecemento hidrolóxico da demarcación internacional tanto presente como futuro.
-
Mellorar os sistemas de axuda á toma de decisións fronte a eventos de seca prolongada.
-
Mellorar os sistemas de axuda na toma de decisións fronte a eventos de inundación.
-
Coñecer o impacto socioeconómico do cambio climático e dos eventos de secas e inundacións asociadas co fin de propoñer medidas de adaptación e mitigación e analizar os seus custos económicos.
Universidades /
Centros de investigación
Organismos de
xestión de bacía
Obxectivo do proxecto
Cara a unha Xestión da Auga Avanzada
O propósito fundamental do proxecto RISC_PLUS consiste na aplicación dos valiosos coñecementos adquiridos no marco do proxecto RISC_ML, para así fortalecer a resiliencia ante as ameazas das inundacións e secas, agravadas polo impacto do cambio climático, nas bacías internacionais dos ríos Miño e Limia.
Este esforzo tradúcese nunha contribución esencial á prevención e á preparación fronte a tales desafíos, ao avance na dixitalización na xestión da auga na demarcación internacional, así como á seguridade hídrica para as persoas, para a protección da biodiversidade e para as actividades socioeconómicas.
Alcance del proxecto
Alianzas Estratéxicas
RISC_PLUS opera na demarcación hidrográfica internacional das bacías dos ríos Miño e Limia, que cobre unha área de 19,551.91 km² (89.92% en España e 10.08% en Portugal).
A fortaleza do proxecto radica na complementariedade de catro entidades colaboradoras: as autoridades competentes en materia de xestión dos ríos Miño e Limia (CHMS e APA) nas partes española e portuguesa e dous centros de referencia en materia de investigación (UVIGO e FEUP) en Galicia e o Norte de Portugal.
Xuntos, achegan a experiencia necesaria para abordar desafíos climáticos nesta área crítica.
Conta cun orzamento de 1.610.048,15 €.
Actividades Xerais
Monitorización, Modelización e Control
Mellora da información hidrometeorológica en tempo real a través do incremento do número de puntos de control no territorio da demarcación internacional, que facilitarán datos de variables como o nivel e o caudal nos leitos, parámetros de calidade das augas ou precipitación. Desta maneira, mellorarase a prevención e preparación fronte aos fenómenos extremos en áreas con risco de inundación, acurtándose os tempos de resposta.
Así se minimizarán os impactos ambientais, económicos e sociais.
Protocolos Transfronterizos
Desenvolvemento de protocolos para optimizar o intercambio de información hidrometeorológica transfronteiriza entre os organismos de bacía español e portugués, de maneira que contribúan a atenuar os riscos orixinados polos fenómenos extremos, así como a mellorar a avaliación do impacto do cambio climático nos recursos hídricos.
Análise Socioeconómica
Implementación de metodoloxías para a Avaliación do impacto socioeconómico dos fenómenos extremos e do cambio climático.
