A Axencia Portuguesa do Ambiente (APA) vai lanzar un concurso público para a instalación e rehabilitación de estacións hidrometeorolóxicas na Rexión Hidrográfica do Miño e Limia (RH1), no marco do proxecto Risc_Plus.

É importante destacar que, tendo en conta a actual coyuntura económica e as variacións de prezos que se produciron nos últimos tempos, a APA realizou previamente unha consulta preliminar ao mercado para calibrar os valores asociados a esta inversión.

En total, esta actuación afecta a sete equipos. A instalación de dúas estacións hidrométricas completas, dúas estacións meteorolóxicas completas e a rehabilitación/modernización dos protocolos de comunicación de tres estacións meteorolóxicas.

Esta iniciativa pretende aumentar o número de sensores automáticos no territorio para responder á crecente necesidade de obter datos, información e coñecemento para dar unha resposta adecuada ao reto do cambio climático. A inversión prevista será de uns 70.000 euros.

O proxecto internacional RISC_PLUS ten como obxectivo deseñar medidas conjuntas entre Portugal e España para a prevención, preparación, protección, previsión e mellor xestión de fenómenos extremos como inundacións e secas e fenómenos de contaminación accidental, así como avaliar e combater os efectos do cambio climático no treito internacional das conca dos ríos Miño e Limia.