O concurso ten como obxectivo sensibilizar aos nenos e nenas sobre a importancia dos ríos no seu contorno —como o Miño ou o Limia—, fomentando actitudes de respecto e coidado cara a estes ecosistemas. A través do debuxo, preténdese que o alumnado reflexione e exprese que representan para eles os ríos: como os imaxinan, como os disfrutan e como cren que debemos protexelos.

Esta iniciativa pretende reforzar os valores do proxecto POCTEP RISC\_PLUS en idades temperás, promovendo o coñecemento do patrimonio natural compartido entre España e Portugal. Ao mesmo tempo, búscase concienciar sobre os riscos asociados ao deterioro dos ríos, como a sequía ou a contaminación, e destacar a importancia da súa protección. Ao tratarse dunha actividade en territorio transfronteirizo, tamén se impulsa a cooperación de ambos países arredor dunha causa común: a auga como ben esencial.

Desta forma, o concurso anima ao alumnado a descubrir que a unión fai a forza, e que a Unión Europea é clave para avanzar cara a solucións conjuntas fronte aos desafíos do cambio climático, promovendo a colaboración entre territorios veciños desde as idades máis temperás.

As accións realizadas baixo o proxecto POCTEP RISC\_PLUS están cofinanciadas polo Fondo Europeo de Desenvolvemento Rexional (FEDER) a través do programa Interreg VI A España – Portugal (POCTEP) 2021-2027, que promove proxectos de cooperación transfronteiriza co apoio da Unión Europea.