- Durante a xornada, a CHMS presentou o funcionamento e xestión da rede SAIH-SAICA como ferramentas de monitorización avanzada
- Asistiron representantes da Comisión Europea, da Dirección Xeral de Fondos Comunitarios do Ministerio de Facenda, do Secretariado Conxunto do POCTEP, da Xunta de Galicia, Goberno Rexional de Castela e León, Goberno Rexional de Estremadura, Goberno Rexional de Andalucía, así como as entidades portuguesas CCDR Norte, CCDR Centro, CCDR Alentejo, CCDR Algarve e Agência Portuguesa de Ambiente, I.P.
Os membros do Comité de Seguimento Interreg España-Portugal (POCTEP) 2021-2027 realizaron onte unha visita á estación SAIH-SAICA do río Tamuxe, O Rosal (Pontevedra), no marco do proxecto RISC_PLUS, cofinanciado polo Programa.
O xefe da Oficina de Planificación Hidrolóxica da CHMS e director do proxecto, Carlos Guillermo Ruíz del Portal, explicou aos asistentes as diferentes actividades que se están a realizar no marco do mencionado proxecto. Así mesmo, demostrouse o funcionamento desta nova estación de monitorización do río Tamuxe en O Rosal, que recolle e transmite en tempo real datos do nivel da auga no leito, a temperatura ambiente e a pluviometría, ademais de parámetros físico-químicos de calidade tales como o amonio, o osíxeno disolto (OD), pH, turbidez ou a condutividade.
Durante a visita, os membros do comité puideron ver in situ os diferentes compoñentes das instalacións e fixeron preguntas sobre os diversos aspectos do seu funcionamento. Todos estes datos envíanse en tempo real ao Centro de Control de Cunca (CECU), que se atopa na cidade de Ourense, e que servirá para emitir avisos aos servizos de Protección Civil e 112 para que, se é necesario, poidan implementar os seus plans de protección e prevención.
A estación atópase situada na Área de Risco Potencial Significativo de Inundación (ARPSI). Esta estación axudará a previr e evitar potenciais danos en persoas e bens que poidan ser causados polas cheas.
Asistiron representantes da Comisión Europea, da Dirección Xeral de Fondos Comunitarios do Ministerio de Facenda, do Secretario Conxunto do POCTEP, da Xunta de Galicia, Goberno Rexional de Castela e León, Goberno Rexional de Estremadura, Goberno Rexional de Andalucía, así como as entidades portuguesas CCDR Norte, CCDR Centro, CCDR Alentejo, CCDR Algarve e Agência Portuguesa de Ambiente, I.P.
