• A proposta, ademais de achegar unha perspectiva científica rigorosa, creou un espazo entre estudantes para reflexionar e debater sobre o cambio climático

Nunha sesión divulgativa realizada no IES de Ponte Caldelas, presentouse o proxecto europeo POCTEP RISC_PLUS, destinado á prevención dos riscos climáticos mediante a educación ambiental.

Nesta iniciativa, o alumnado coñeceu o impacto das inundacións en Ourense e as ferramentas de alerta temperá que poden anticipar e mitigar os efectos destes fenómenos.

A Universidade de Vigo, a través do grupo de investigación Ephyslab, reforza o seu compromiso coa formación en sustentabilidade e a xestión dos riscos climáticos.

Na charla impartida polos investigadores Helena Barreiro, Diego Fernández e José González Cao, os estudantes puideron comprender as claves do cambio climático e o seu impacto nos eventos extremos, facendo especial fincapé nas inundacións que afectan á provincia de Ourense.

Durante a sesión explicouse a evolución dos riscos hidrometeorolóxicos na rexión e presentouse o innovador Sistema de Alerta Temperá, unha ferramenta desenvolvida no marco do proxecto RISC_PLUS que busca mellorar a preparación e a resiliencia dos territorios fronte aos desastres naturais.

A actividade non só ofreceu unha perspectiva científica rigorosa, senón que tamén xerou un espazo de reflexión e debate, fomentando na mocidade unha maior conciencia ambiental.

O proxecto RISC_PLUS conta, ademais, coa participación da Confederación Hidrográfica do Miño-Sil